Dende decembro de 2007, o Concello de Arzúa leva asumindo tarefas de información, orientación e busca de emprego, sendo o único concello da comarca que asume dita labor, ademais leva a cabo tamén a orientación a toda a poboación desempregada da área de influencia da oficina de emprego de Melide.
Aínda que o servizo se puxo en marcha no 2007, continuou a súa labor de maneira interrumpida no 2008 e por terceira vez levou a cabo accións no período de setembro de 2009 a xaneiro de 2010. Dentro do seu marco de traballo, o programa que se realiza, a través dun asesoramento personalizado, proxecta actuacións tendentes a facilitar o coñecemento e experiencia sobre o mercado de traballo e os mecanismos e sistemas de incorporación ao mesmo co fin de elevar o nivel de inserción laboral dos seus usuarios.
Olalla Calvelo, Dinamizadora da Sociedade da Información do Concello de Arzúa, vén de ofrecer un balance do traballo desenvolto durante o ano 2009 no Centro de Dinamización da Sociedade da Información que desenvolve a súa labor no Telecentro de Arzúa.
Os datos ofrecidos pola Dinamizadora reflicten o éxito dun servizo posto a andar neste concello en marzo de 2007 e que conta na actualidade con 758 usuarios, dos cales 270 fixeron a súa inscrición durante o ano 2009. Durante este último ano impartíronse ademais 300 horas de formación tecnolóxica no centro e a aula aberta foi empregada en máis de 5.700 ocasións.
O goberno nacionalista de Arzúa aprobou, na Xunta de Goberno Local, os seis proxetos que vai remitir ao Ministerio para a súa financiación a través do Plan E-2, o Fondo Estatal para o Emprego e a Sustentabilidade Local, que achegará a Arzúa a cantidade de 700.696 euros.
Salienta de maneira notable o grande esforzo inversor do goberno municipal na mellora e coidado do medio ambiente; de feito a maior parte do orzamento irá destinada á mellora do saneamento en núcleos rurais e no propio casco urbán do municipio.
O Antroido en Arzúa é sinónimo de grandes festas, a que dende hai anos depara o desfile e concurso de disfraces, comparsas e carrozas organizado polo Concello a través da Concellería de Cultura.
As bases para participar nesta actividade, que se celebra o martes 16 de febreiro a partir das 17 horas no Recinto Feiral "Terra do Queixo" de Arzúa, xa son públicas de xeito que o prazo de inscrición remata o próximo día 9.
A pasada semana deron comezo en Arzúa as obras de construcción do novo graderío no campo de fútbol do complexo deportivo de O Viso.
Ver todas »
